ភ្នំពេញ៖ ប្រធានព្រឹទ្ធសភាសម្តេចតេជោ ហ៊ុន សែន បានប្រកាសដាក់ឱ្យប្រើប្រាស់គណនី Threads App ផ្លូវការរបស់សម្តេច ដែលជាបណ្តាញទំនាក់ទំនងសង្គមថ្មីមួយដែលត្រូវបានបង្កើតឡើងដោយក្រុមហ៊ុនមេតា នៃក្រុមហ៊ុនរបស់ Facebook ដែលបានដាក់ឱ្យដំណើរការជាផ្លូវការនៅថ្ងៃទី០៥ ខែកក្កដា ឆ្នាំ២០២៣។
សម្តេចតេជោ ហ៊ុន សែន បានប្រកាសស្វាគមន៍អ្នកប្រើប្រាស់ចូលទៅ «គណនីផ្លូវការរបស់សម្តេចតេជោ ហ៊ុន សែន ក្នុងកម្មវិធី Threads App» ដោយជំរុញឱ្យសាធារណជន រួមទាំងយុវជនបន្តទទួលបានព័ត៌មានតាមរយៈការបង្ហោះរបស់សម្តេច។
គណនីរបស់សម្តេចតេជោ ហ៊ុន សែន នៅលើ Threads អាចរកបានក្រោមឈ្មោះ «Samdech Hun Sen of Cambodia» ជាមួយនឹង username “@hunsencambodia” និង URL: [https://www.threads.net/@hunsencambodia](https://www. .threads.net/@hunsencambodia).
តាមរយៈវេទិកានេះ សម្តេចតេជោ ហ៊ុន សែន មានគោលបំណងចែករំលែកព័ត៌មានថ្មីៗ និងព័ត៌មានអំពីសកម្មភាពរបស់សម្តេច និងការរីកចម្រើនរបស់ប្រទេសកម្ពុជា។ សម្តេចតេជោ ក៏បានជូនពរដល់បងប្អូនជនរួមជាតិទាំងអស់ជួបតែសេចក្តីសុខ សេចក្តីចម្រើន និងរីករាយក្នុងថ្ងៃចុងសប្តាហ៍៕
